【饮得杯落】[jam2 dak7 bui1 lok9] 可以畅饮一杯酒。形容事情如愿以偿,终于放下心事。例句:买咗几十年双色球,终于中咗四个num,今次~啦。(买了几十年双色球,终于中了四个数,这回可以放心喝上一杯了。)
2023年又到啦,又系新嘅一年,少不免当然要祝大家Happy New Year啦。首先作下自我检讨,旧年确实更新得比较慢,令到好多一直关注我嘅朋友一直等更,真系唔好意思啦。不过知道有人默默噉关注自己,另一方面又会感到从心而发嘅温暖嘅。新嘅一年应承大家,我会更新得更加勤力一啲, 努力为推广粤语继续贡献微力。希望大家可以一如既往噉支持我同埋支持粤语,亦都希望粤语喺新嘅一年能够引起更多人嘅关注同埋得到更大力度嘅普及。总而言之,2023年,做乜都顺啦。