像“女婿”一词，顾名思义自然就是讲“囡鱼个丈夫”，伊最早个出处是唻源于《史记·李斯列传》中，文中是迭能唻讲到个，讲道：“赵高教其女婿咸阳令阎乐劾不知何人贼杀人移上林。”迭句闲话到底是啥个意思呢？！伊个意思就是勒讲：赵高让伊个女婿咸阳令阎乐出面弹劾，讲覅晓得啥人杀忒人，（畀尸体）侪搬进上林苑中。
吾是一个土生土长个上海人，勒拉吾所在个城市上海，是拥有迭能一种独有个文化搭习惯，欢喜畀一些“虽说还呒没畀正式转正”，但是已经畀女方屋里向绝大多数个长辈搭亲朋侪是认可、“列入准女婿”个行列，而且还是囡鱼个对象，侪是叫伊为“毛脚女婿”。
像上海迭座城市、勒一般情况下头唻讲伐，是有迭能一种习惯，侪是习惯畀或女方，或妻子个父母亲大人侪叫“丈母娘”搭“丈人老头”，而北方人覅是迭能样子个，侪是叫“岳父”搭“岳母”。
嘎么，为啥勒拉上海迭座城市，“丈母娘”搭“丈人老头”欢喜称未来个女婿为“毛脚女婿”呢？！邪气主要个原因又是为啥呢？！迭个原因就是－－因为勒拉两位老人家个眼睛里向，既是迭能唻看待“未来女婿”迭桩事体，而且上海人对待未唻女婿，侪是属于十分谨慎搭小心翼翼个，勒拉通常情况下头唻讲伐，只要是爷娘覅是邪气认可囡鱼所接触个相亲对象，是坚决覅会让男方上家门，能够让自家个囡鱼带男方上家门个闲话，还就算是男方第一趟上女方家个门，基本浪向就算是认可囡鱼所接触个相亲对象，彼此双方还是可以继续交往下去个，就算是“派发一张继续交往下去个牌照搭通行证”。
要是男方呒没畀审核通过个闲话，就覅会派发继续交往个牌照搭通行证！还有个就是，还即便是有发过继续交往下去个牌照搭通行证，也照样可以讲是覅算数个，未必就能表明女婿个位置始终是属于稳如泰山纹丝覅动个，迭个倒并覅是出尔反尔，而是需要经过一段辰光个考察期，女婿第一趟上门见面个辰光，必定是一个“愣头青”小伙子“毛手毛脚”个，要是考察以后，实在是覅唻三个，照样可以畀女婿个牌照搭通行证回收收回唻个，会得要求囡鱼搭男方断忒关系。
上段文字当中个“愣头青”是一个生活用词，伊个意思指个就是勒讲：某些人做事情呒没脑子或覅动脑筋，属于盲目行事个一类人。之所以 “丈母娘”搭“丈人老头”畀“未来个女婿”侪是叫伊为“毛脚女婿”，吾认为有如下顶重要个两个原因。第一个原因就是：就算自家未来个女婿就是属于出类拔萃个潜力股搭绩优股，勒“丈母娘”搭“丈人老头”看唻，或多或少还是有那么一眼眼愣头青个；第尼个原因就是：还是因为搭“大闸蟹”有一定个关系，因为上海人欢喜畀一些还呒没成熟个大闸蟹侪是叫做“毛脚蟹”，“毛脚”迭两个字就是意味着还属于邪气生嫩，还显得覅大成熟稳重老练，多多少少还有一眼眼个毛毛糙糙，因此畀刚刚上门个女婿叫做“毛脚女婿”。
要是“丈母娘”搭“丈人老头”能够让“未来个毛脚”上自家屋里个门，也只畀过是派发有一张牌照搭继续交往下去个一张通行证，迭张通行证就是属于大年初一吃酒酿－－头一回，到底是只有迭个一回，再也覅会得有下一回，第一回就畀打回头票呢，还是能够多次往返个去使用，就要看男方能拥有多少“花头经”、是否能够多多去努力努力，正所谓老话有曰：“革命还没成功，同志仍须努力！”
【备注：“花头经”，既是一句上海方言俚语闲话，与此同时也是属于吴语地区个方言，伊指个就是处事手段多、做事花样足。】
全国一直勒拉讲上海是“魔都”，伊代表着“时髦（尚）”“洋气”“前卫”“开全国风气之先河”……实际勒骨子里向还是邪气传统个，畀“毛脚女婿”第一趟上门迭桩事体唻讲，既要挑选一个好日脚，而且勒上门前后一个礼拜之内，唯有双方家庭侪呒没发生过“生病”“争吵”“掼坏过么事”等一系列坏事体，就意味着是“一个好前兆搭好兆头”，以后个婚姻搭家庭眼扳数会得幸福美满个。反过唻讲，要是勒前后一个礼拜里向，遭遇到一眼覅好个各类小事体，就会得认为是要“倒大霉”个，眼扳数会有一系列覅大好个事体，就会紧跟着随之而唻，以后要是双方结合勒一道组合成为家庭个闲话，是覅需要过多去讲一眼啥么事个，还眼扳数覅会得幸福美满，更会让双方家庭侪搞得鸡飞狗跳鸡犬不宁，两户人家侪覅会去过太平日脚。
现在有迭种想法搭看法个人家演变得越唻越少勒，迭个也是属于一种迷信思想，按照道理唻讲，就应该要坚决予以扬弃忒。但畀过，闲话是迭能讲，就勒少部分人家个里向，依旧还会有迭能个想法，要是真个是迭能样子个闲话，搞勒覅好双方就会马上拗断分手个。
就算是挑选到一个好日脚，所谓个一个吉祥如意日，也只畀过是成功个刚刚开始而已，更只是走出万里长征个第一步，第一趟上门到女方屋里向，到底要去送一眼啥么事侪是好，是一个邪气关键个问题，正所谓上海人所讲个一句沪语方言闲话是交关好个，曰：“头炮打响侪会得有花头啊！”紧接着又会去讲迭能个一句沪语方言闲话，曰：“头炮假使打得覅灵光，打出唻个就是一颗哑炮，后头事体眼扳数要弄僵，弄得唻是一天世界个！”所以讲，“毛脚女婿”第一趟到女方屋里向，送一眼啥么事畀未唻个丈母娘丈人老头是决定性因素。
吾勒上段文字当中个两句沪语方言闲话，顶重要个一个意思就是勒拉表达啥么事呢？！就是勒拉讲男方第一趟去女方屋里向做上门女婿个闲话，一定畀迭桩事体做好做成功，要是第一回合就呒没做好做成功，嘎么，就覅会得有下一趟个，谈恋爱基本浪向就会告吹。
当吾走过41年个生命旅途以后，还伴随着自家个人生经历搭人生阅历，变得逐渐个增多搭增厚以后，则是迭能唻理解、认得并去认为个，覅管是身处勒何种社会阶层里向个人群或个人，是人多多少少侪是有那么一眼眼个“势力眼”哦，对于“毛脚女婿”带一眼啥么事去到女方屋里向，既是要畀未来丈母娘、丈人老头，以及女方屋里向各位亲朋好友看一看个，与此同时也同样是要做畀女方屋里向周围邻居看一看，只因为一旦踏出迭步走到迭个辰光，就算男方屋里向经济条件（实力）并覅是邪气好个，无论如何也要畀“台型扎扎好”。
【备注：勒上一段文字当中个“台型扎扎好”，伊既是属于一句沪语方言闲话，伊也是属于一句吴语地区个方言闲话，而且迭句闲话也是方言闲话“扎台型”个倒装句， 伊经常使用勒贬义方面，就是形容一个人爱出风头，摆阔气，要面子。勒上段文字当中，迭句话要表达个意思就是勒讲：家庭经济条件再覅好，也要畀面子撑起来。】
勒拉20世纪七八十年代上海迭座城市，“上门女婿”第一趟去女方屋里向拜见未唻个“丈母娘”搭“丈人老头”，有“四大件”绝对是属于覅可缺少个一桩事体，迭个四大件分别指个就是：“一挺机关枪”“两百发子弹”“两颗手榴弹”搭“一只炸药包”，经济条件稍微好一眼个男方，就会得赠送“四百发子弹”搭“四颗手榴弹”，所谓个“一挺机关枪”就是指“金华火腿”；“手榴弹”就是指中高档次个白酒，比方：西凤酒、五粮液等等；“子弹”就是指好个香烟，“炸药包”就是指“奶油蛋糕”，蛋糕顶好是“掼奶油蛋糕”。
顺大便要讲清爽一桩事体，迭个就是－－各位看官千万覅要以为吾讲到“掼奶油蛋糕”五个字以后，就会自认为是邪气一般、是呒没啥好讲个，也覅好对迭种类型个蛋糕产生不屑一顾个情绪唻！要晓得，勒拉20世纪七八十年代上海滩上，对于喫奶油蛋糕迭桩事体唻讲伐，尤其是对于喫“掼奶油蛋糕”，是一桩邪气大个事体，只有勒逢年过节、交关重要个场合，以及家中办生日宴会时，侪有可能喫得到，而且每个人也只能是分到一小块蛋糕而已，平常日脚覅敢去想个！
勒拉掰搿辰光迭个四样么事也算是标配，弄起唻还算交关便当个，只畀过要省吃俭用，基本浪向对于普通人家唻讲伐，要省吃俭用一年侪能办到。今早仔“毛脚女婿”上门就要比过去复杂得多，再送烟酒就会覅利于身心健康，开始流行送“保健品”等有利于身心健康个么事。比方：“鹿茸酒”啦，“十全大补酒”啦、“人参”啦……
上海人也有含蓄个一面，送礼物覅好“邪气个野花花”“赤裸裸”，既要讲钞票，又要讲经济实惠，还覅能邪气去讲究经济实惠，要是真个去送上一只大大个大红包，反而让对方觉得男方是呒没眼界力搭品味个人，迭个人侪是覅配唻做“我”个女婿，分寸一定要掌握好，勒拉上海做一个毛脚女婿，基本浪向唻讲伐是一个技术活。
也有覅喜欢喫烟酒个丈人老头，等到要走个辰光，送畀伊个烟酒退回唻侪是有可能个，真个到掰搿辰光就会变得不知所措，所以勒上门个前头，就是要先畀功课做好，要对女方屋里向方方面面侪要了解得交关清爽，有啥么事是需要避开个地方，投其所好侪是正道！
到未唻丈母娘搭丈人老头个屋里向做人客，等交流一段过辰光以后，丈母娘一般会端上唻“一碗糖滚蛋”，要看碗里向有几只糖滚蛋，糖滚蛋越多就表示对女婿越是欢喜，顶多也覅会超过三只，因为四只就是覅大吉利个，迭个辰光即使男方肚皮覅饿，也要全部喫忒。只要是喫过糖滚蛋，也一定要留男方喫一顿饭，贯穿整个过程当中，就是勒考验男方，既覅好闲话讲得太多，像饭泡粥一样一刻覅停个去讲，也覅能像一只“闷鸽子（格子）”一样，既覅响，也覅肯讲闲话。一条最基本个原则是“千穿万穿，马屁不穿”，捡好话、捡丈母娘丈人老头交关欢喜听个闲话讲，勒全过程当中，还要做到适可而止。
从第一趟做“毛脚女婿”到正式领证办喜酒，勒拉迭段辰光对上海人唻讲算是“试婚期”，辰光有长有短个，关键问题是要了解未唻丈母娘家庭是哪能生活、有哪些生活习惯、能否融入对方个家庭，就要靠通过“做各种事体”唻了解清爽。男女双方谈恋爱谈得邪气长以后，一旦觉得彼此间谈覅下去呒没必要再谈时，双方还是可以拗断分手。畀过，勒拉一般情况唻讲，覅是情非得已覅会走迭条路个。
还有一条也是要记记牢，如果勒屋里喫饭，等到喫好一顿饭以后，一定要抢先一步畀事体先去做忒，就要袖子撸起畀碗盏汏汏清爽。是覅好跷着二郎腿，像姥爷一样坐勒电视旁边看看电视，假使真个是迭能唻做，就准备好等“喫回头票”吧，再也覅会有下趟见面个机会，只有做到女方家长能够笑嘻嘻送女婿出门，迭场考验侪算结束。
一般情况唻讲，上海人还是交关正宗个，男女双方必定是奔着结婚为目的而去谈恋爱个，能够让男方做上门女婿，基本浪向侪是认可男方个，要是女方个爷娘覅认可男方，既覅会让男方上屋里做人客，还会让自家个囡鱼马上搭男方拗断，要囡鱼另外去寻找更加好、更加合适个对象。老底子个上海人，从双方认识开始谈恋爱，一直到双方长辈侪认可、可以“正式敲定”成为结婚个对象，是交关重要、尤为隆重个一桩事体，一般唻讲就算能做毛脚女婿直到正式敲定，也至少要有两年个辰光，就勒当中还有可能要去搞一个订婚仪式！……
【备注：①：文章为作者原创；②：各类毛脚女婿图片搭文章有关系个图片侪是唻源于网络上头；③：万分感谢原创图片】
杜老倌侠客居（陆伟）写于2018年05月18日礼拜五夜里向
