查询翻看吾过往个写作历史以后，吾发现曾勒拉2016年10月15日星期六个下半日撰写过一篇名字叫《漫谈上海方言之－－说说“轧闹猛”这件事情》，等时间过两天以后，吾又去撰写《讲讲上海方言之－－谈谈“轧闹猛”迭桩事体》，吾就是畀之前所撰写个迭篇文章，再去重新改写一遍，通篇文章吾侪是采用沪语方言闲话唻改写个。
等到吾走过将近有得两年辰光以后，既觉得之前所撰写个文章，或多或少还是有一眼眼意犹未尽个，而且勒拉吾看唻，吾只畀过是讲勒其中个一小部分、一个方面而已，并呒没去讲得邪气清爽个。
像“轧闹猛”（gá nào měng）迭个词语，伊个意思虽讲就是指：爱凑热闹、爱围观、爱管搭自家呒没丝毫关系个各类人事物情或闲事，然而，上海人勒拉迭个方面，是拥有伊独有个一种见解。
吾是一个土生土长个上海人，“轧闹猛”（gá nào měng）迭个词语，伊既是属于上海方言闲话，伊还是属于“吴语语系方言词汇”，伊通用于北部吴语地区。比方讲：常州闲话、无锡闲话、苏州闲话、上海闲话、湖州闲话、杭州闲话、嘉兴闲话等地区，侪是会去使用迭个词语个，对于处勒拉覅同地域里向个人唻讲，自然就会拥有覅同个用法、说法与认知个。只畀过，通过吾长期以唻个学习、观察搭了解以后，自家却是迭能唻理解、认得并去认为迭个词语个，使用频率顶顶多个地区搭区域，恐怕很有可能就是要数吾伲上海地区个人！
上海开埠于1843年，伊是根据《南京条约》搭《五口通商章程》个规定而去开埠个，自从上海迭座城市畀开埠以唻，一直走到勒今早仔，总归是邪气热闹、闹猛个一座城市哦，上海还畀西方人士叫做勒“东方夜巴黎”。“上海国际饭店”勒拉20世纪30年代个辰光，就有得“远东第一高楼”个称谓哦，伊个层高达到勒24层楼，伊个地下头还有得2层楼高唻，勒拉地面以上个高度就达到勒83.8米……
因此讲，上海人勒拉使用“轧闹猛”迭三个字眼（语）个辰光，已经是有得先决条件为伊铺好勒路，勒拉其中还要包含着三层含义搭意思唻，还有得伊独有个表现形式搭心里背景，邪气耐人寻味。
第一层意思是讲：有一眼“瞎起哄”搭“起蓬头”个味道。
像“瞎起哄”就是一句上海方言闲话，伊个意思搭含义就是勒讲：但凡是邪气欢喜迭能唻做个人群或个人，往往像迭能一类个人群或个人，侪是属于缺乏主见个人，覅管是勒讲闲话个辰光，还是勒做事体个辰光，侪是迭能，即使有错、造成一定个后果，也覅要担心。同时，瞎起哄也是一种情感个宣泄，容易畀利用，具有一定个破坏力。
像“起蓬头”也同样是一句上海方言闲话，伊个含义搭意思就是勒讲：总是有覅少个人群或个人，既交关喜欢凑热闹；还邪气喜欢人云亦云；更喜欢随大流；还要一窝蜂个去追逐某一个“热点”，覅仅是迭能样子个，还会有覅少个人群或个人会紧跟着一道去造势。
吾并覅是要瞎讲八讲点啥么事哦，勒“老底子”个上海迭座城市，【备注：吾所讲个“老底子”就是指那些计划经济个年代里向。】有覅少个上海人多少侪是属于有那么一眼眼“人来疯”搭“十三点兮兮”个，【备注：“人来疯”是一句上海方言搭吴语地区个方言闲话，伊个意思搭含义就是勒讲有一眼兴奋个状态勒里向。“十三点兮兮”也同样是一句上海方言闲话，伊个意思搭含义就是勒讲：有一点点傻瓜个意思勒其中。】今早仔，像迭能个一种情形，相对而言很有可能就会唻得交关少一眼。为啥会是迭能样子个呢？！侪是因为－－那些老一辈个上海人，只要是有看到啥个地方个人是属于唻得邪气多个，而且一眼看上去，既是属于人群扎堆个；人群还是属于交关热闹搭闹猛个；更是排着长长个一行队伍；先覅管三七二十一，就是欢喜往里向去钻、往里向去轧，就怕自家会因此而去错过各类邪气好个人事物情。
吾因为出生勒拉20世纪70年代个末期，畀大家称之为“70后”，因此讲吾同样也是有经历过计划经济个年代个。既勒国家搭老百姓侪是身处勒计划经济年代里向个辰光，还勒老底子个上海滩迭座城市里向，勒拉普通老百姓每日个俗常生活当中，侪是属于交关紧张搭艰苦个，几乎勒购买任何一样么事或商品个辰光，侪是需要凭各类票证外加钞票唻供应个，而且勒拉掰搿辰光，大家基本浪向侪是需要去排队购买各类物品搭商品个，而且各式各样个队伍也是排得邪气长。
勒拉掰搿辰光、勒市区个各条马路上头，只要是有人看到有一个人勒抢购某些紧俏物资或紧俏商品个辰光，大家眼扳数也要去跟风、去轧一脚、去排一个队伍，并且还会引起一大帮子个人，你争我抢地唻抢着排队啊，还要去排成一列列弯弯曲曲个蛇行队伍，而且还是属于井然有序个排着队。勒拉排队个全过程当中，哪怕自家所排个队伍侪覅是去购买啥个紧俏物资或紧俏商品，只要是有人勒拉排着队伍，也自然就会跟着一道去排队，要是一旦发觉路子覅对头、覅是自家要去购买个各类么事，队伍当中个人群，就会一哄而散各奔东西。
对于今早仔个老百姓唻讲伐，陪伴着生活水平大幅度个去提升，日脚也是越过越好越过越红火个，像芝麻开花那样变得节节高，再也用覅着去凭各类票证购买各类么事搭物资，各类么事搭物资可以讲是琳琅满目名目繁多，也正因为是迭能样子，勒拉某些辰光还邪气容易让大家去挑花眼，还勒拉某些辰光里向，既会去发生“不知所措”迭个一类事体，还覅晓得去购买点啥么事才算是唻得邪气好、交关合适，就再也用覅着急吼拉吼、匆匆忙忙个去排队轧啥个热闹搭闹猛。
只畀过，上海人也是有一点贱骨头兮兮个，要是覅闹猛、呒没啥个热闹搭闹猛好去轧个闲话，反而勒自家个心里面就会觉着是缺少一眼啥么事一样，既自然就会觉得覅是邪气好白相个，还会得去认为一眼眼味道搭意思，也会随之紧跟着覅勒拉勒，总归要想尽一切办法，去弄一点事体唻做，会去滋生出新个热闹搭闹猛唻，又会去滋生出一种新个闹猛，勒拉网络上头就会覅定期个去推出各种新个网红。比方讲：网红蛋糕、网红奶茶、网红餐饮搭饮料……迭个是商家个一种促销手段，还要经常性去采用饥饿性营销手段，促使大家去购买网红店铺个各类商品。上海人就会去排队、去赶时髦购买网红商品个，就算是队伍排得交关长，还就算是要去排一两个、两三个钟头，也是觉得是无所谓个一桩事体，认为只要味道好喫就是王道，是值得自家去做个一桩事体！勒拉排队个人群当中，还认为唻人世间走一遭是邪气覅容易个一桩事体，勒拉自家能力允许个范围内，就要去学会享受各种生活、享受各式各样个人生，迭能去做又有啥个是覅好个吗？！
吾依旧是迭能唻理解、认得并去认为个，上述各类关于热闹搭轧闹猛个例子，倒是对个人、生活、家庭以及整个社会唻讲，基本浪向是呒没坏处个，怕就怕有一种覅是邪气好个热闹搭闹猛，伊反而倒是会带唻交关多个坏处，几乎就能够去影响到社会个方方面面，国家同样也是畀包括勒拉其间，可以讲是只有百害而呒没一丁点益处。
比方讲：今早仔，吾伲国家个综合实力搭能力的的刮刮是往上升，还是世界第尼大经济体，老百姓个日脚也好像芝麻开花一样是节节高个，尽管讲是迭能样子个，还流行起一种披着“爱国主义”为外衣个排外情绪，只要自家个国家搭群众畀其他国家欺负时，人人侪是要去爱国家、人人侪是要去为国家设想，只要是有一个人，伊本人覅是迭能样子唻做个闲话，就演变成为“绝对是一个标准个汉奸搭卖国贼”哦，动覅动就要群起而攻之，覅仅是大家一道会得对迭个人口诛笔伐，要是弄勒覅好，还有些网络高手就去人肉搜索迭个人，畀伊本人个方方面面侪去透露出唻。竟然还会去采用打砸抢烧个覅好手段，唻纷纷去抵制各类国外生产个商品。还据吾听说，就有覅少个上海人，也自会紧跟着去起蓬头、一道去参与其间个，带唻交关覅好个影响！
第尼层意思是讲：上海人邪气欢喜闷声覅响个“看白戏”。
啥个叫做去“看白戏”啊？！伊个意思就是勒讲，凡是覅用自家出铜钿能去看个“各式各样个戏曲”，一律侪畀叫做“看白戏”哦！“看白戏”还拥有两种含义个，第一种含义是指：去看各类戏曲搭曲艺；第二种含义是指：去看热闹、闹猛个地方滋出生唻个各种热闹、闹猛个事体。有一些人，伊本人只要是看到有各种热闹、闹猛个事体好轧、有各类白戏好去看，自然就会紧跟着大家一道去，更会里三层外三层个包围着。只畀过，像迭能样子个人，伊本人一般是覅大会得主动个去起蓬头个。大人或祖辈勒教育小辈个辰光，会经常性去讲迭能一句沪语方言，曰：“侬嘛脑子要去拎拎清爽，脑子里还要去多生一根筋唻，凡是人群邪气多、邪气热闹搭闹猛个地方，顶好就覅要去轧，侬今早仔顶顶重要个一桩任务是好好学习天天向上，每天要有一眼进步，覅该侬去管个闲事就覅要去管勒，记牢勒伐？！”……
吾勒上头所讲个并去撰写个一段沪语方言，伊个意思搭含义就勒讲：长辈或祖辈勒教育自家个或子女或小辈个辰光，只要是邪气热闹个地方、人群邪气扎堆个地方，就覅要上前去凑啥个热闹，还要是搭小辈呒没丝毫关系个各种事体，也是覅应该多管闲事个，作为一个学生唻讲伐，今早仔顶顶重要个一桩事体－－就是学习迭桩事体。
之所以屋里向个大人或祖辈，会采用迭能一种方式唻教育自家个小辈，迭个也是从前老祖宗传下唻个经验搭教训，认为：“覅管是哪能样子个人，只要是管过闲事以后，反倒会落某些覅是搭覅好个”，覅管是帮双方之间个任何一方，总归会让另外一方有感到覅大满意个地方，也是覅可能真正个去做到一碗水侪能端稳端平个，反而要畀双方数落一番个，还有可能会成为“一个猪头三、猪八戒照镜子里外侪覅是人”，与其覅落好犯覅着个闲话，“多一事倒覅如少一事”，自家个耳根也能变得清净许多，更可以减少某些麻烦搭烦恼，从对教育小孩个闲话当中，充分体现出上海人独有个“精明搭门槛精”！
【备注：“门槛精”是沪语方言闲话，伊个意思就是指办事精明周到，精打细算个人，是对个人精明、机灵、才干顶好个评价。】
还有个就是，对于一帮子欢喜看白戏搭欢喜轧闹猛个人唻讲伐，基本浪向是覅会得嫌边畀事体弄弄大个，干脆畀事体弄弄大以后，事体越是畀弄大以后越是属于好白相个一桩事体，一些看白戏搭轧闹猛个人，自然就会觉得邪气个扎劲有味道，彼此之间还能够拥有一份谈资搭新闻，忒要好个亲朋好友嘎嘎讪胡就会变得更加丰富多彩。
记得勒我读初三下半学期个辰光，有一天傍晚下课，辰光大约是勒五点钟到五点半，勒大马路上头，看到大吾五岁个亲大哥陆明下班以后没直接回家，而是搭一帮子人勒一道看一场白戏。有两三个人勒“骂山门”“打相打”，看个人群是外三层里三层，随着骂山门打相打个人一起转动。虽说大哥待勒最外面一层，但掰搿辰光吾覅晓得啥地方唻个勇气，就畀伊骂一顿，用沪语方言对伊讲：“骂山门打相打个人又覅管三七二十一，伊拉是瞎唻个，倷万一畀伊拉打伤忒勒哪能办啊？！”并劝他马上跟吾回去，还畀事体告诉家母倪榴珍听。
【备注：上段文字中个“骂山门”搭“打相打”迭组词语是沪语方言俚语闲话，前者就是指：谩骂搭骂人，后者就是指：打架。】
当家母知道事体以后，也对吾讲迭桩事体吾做得对，理应是迭能个。家母还对吾讲过迭能一段闲话，讲侬从生下唻那一刻开始算起一直到今早仔，每趟看到侬阿哥个辰光，多多少少是有那么一眼眼害丝丝个，就好像一只老鼠碰到一只猫一样变成煨灶猫，有一句古话是讲得邪气好，侬个生肖是属蛇，侬阿哥个生肖属鼠，照道理应该是蛇盘（缠）老鼠个，现在反倒是反过唻勒，萝卜颠倒生，竟然是变成老鼠捉蛇，今早侬居然勒老虎个头上去拍一记苍蝇，覅得了哦！……
第三层意思是讲：上海人就欢喜跟风随大流，自家没主见。
上海人邪气欢喜跟风随大流，可以讲自家就是一个呒没主见个人，凡是看（听）到各类“好个人事物情”，覅管自家欢覅欢喜、适合覅适合，眼扳数要轧一脚参与进去，哪怕只能讲一两句闲话也好个，勒拉行动上会迭能去做，还会去做一个传声筒，紧跟着大家一道人云亦云一番，而且还要搭所有认识个人讲一遍，甘做一颗墙头小草。
有些人看（听）到其他人，通过做各式各样个生意，发财赚到一眼铜钿以后，日脚过得一天比一天好、越过越滋润，覅管自家是覅是一个做生意个人，也是会紧跟着大家个屁股后头，做各种生意。
比方讲：听到人家讲，开装潢公司赚铜钿个，更是前途无量个，就会跟人家合开装潢公司，过一段辰光以后，装潢公司开覅下去只好关张；之后又听到有人勒拉讲，现如今做各式各样个玉器生意，也是属于赚铜钿个一桩事体，做得最覅好个人，每个月也能翻十倍个价钿，而且还可以保证做到稳赚覅赔一分洋钿，接下去就会紧跟着做玉器个商家们，一道去做各式各样个玉器生意，还是过忒一段辰光，因为覅懂玉器生意经，喫进一批假个玉器，畀投进去个本钿侪都亏光；还是听到有人勒讲，现在蛮流行去K房唱卡拉OK，问亲朋好友借铜钿开设一家卡拉OK……反正是“能赚铜钿个生意”侪去做，从唻覅考虑后果、覅做最坏个打算，先去做勒再讲吧，要是做覅好顶多就关张……
【备注：①：文章为作者原创；②：各种搭“轧闹猛”有得关系个图片侪是唻源于网络上头，迭些图片主要是上海市黄浦区豫园老城隍庙风景图搭上海市浦东新区三林地区图片；③：万分感谢原创图片。】
杜老倌侠客居（陆伟）写于2018年06月29日礼拜五夜里向
