吾是迭能唻理解、认得并去认为个，有得迭能一句老话讲得就是属于交关好个，讲道：“一方水土养育一方人。”勒覅同个地域里向，自然就会出现覅同个方言文化，“理发”也同样是迭能样子个。
首先要去讲清爽个一桩事体到底又会是啥么事？！吾是一个土生土长个上海人，因此吾要讲，勒北方地区，或者讲，勒国语当中个“理发”迭个词眼，唻到上海地区，就会拨叫做“剃头发”。还有个就是，勒国语当中个“理发店”，一律拨上海人叫做“剃头店”。上海人对于理发人员，覅管是男性还是女性，一律侪叫做“剃头师傅”。
勒人个一生中，有诸多顶重要个头等大事，其中之一要数剃头发迭桩事体。除忒个人勒生毛病可以任由医生摆弄以外，也只有勒剃头发辰光心甘情愿、覅限辰光个任由剃头师傅摆弄、侪覅会生气。
吾至今为止依旧还能清清爽爽个去记得迭能一桩事体哩，勒吾就读小学辰光、勒某趟上历史课个辰光，曾经读到过迭能个一段历史史实，当吾伲国家最后一个封建王朝清朝入关个辰光，勒清初对于汉族人个发型是邪气覅满意个，要求所有个汉族人侪要仿照满族人个生活习惯去剃发易服。满族人个法令规定男性剃头发，一定要剃忒前额搭四周围，还要留存头发编成辫子垂放勒后脑勺，而且大家侪是要去遵守迭项规定个，留发者覅准留头，留头者覅准留发。迭道法令颁布以后，以及带有强制性个缘故，覅但加剧清初民族之间个矛盾，而且还招致广大汉族老百姓个反对搭反抗，一致侪认为身体发肤，受之父母，覅敢毁伤，乃是孝之始也。因此就触发江南地区个江阴、嘉定、苏州老百姓个抗清斗争，因许多老百姓誓死覅从，侪付出血个代价。
因为吾拥有众多爱好个缘故，勒其中个一项爱好，就是欢喜阅读各类有益处个好书籍，也正因为是迭能样子，吾曾经还读到过一篇有关于剃头方面个趣闻，至于迭篇文章个作者到底是啥人，吾已经是记得覅大清爽，吾只是依稀记得讲北京人到底是哪能唻剃头发个，还讲到勒北京剃头发是有所区别个，还要去区分“男子部”搭“女子部”。勒上海市是覅会迭能去细分个，男女就是混合勒一道剃头发个。
吾是出生于20世纪70年代个末期，故而被大家称之为“70”后，仍然还能清清爽爽个去记得迭能一桩事体唻，就勒吾上小学个辰光，每趟去剃头店剃头发个辰光，真个可以讲呒没覅排队个，而且每趟侪要去排队个，只是勒排队个辰光上有一眼差异而已，人多个辰光，排队自然就会长一眼眼，人少时，排队时长则会少一眼眼。勒吾个小辰光，尤其是对于未成年个男小囡唻讲，剃头发个头型基本浪向侪是以板寸头为主，只要是剃发至耳根以上，还只要是整齐干净就行。
勒掰搿辰光，为啥就要去剃迭个头型呢？！侪是爷娘个要求，还因为掰时国家搭个人侪是处勒计划经济年代里向，每户人家个收入，覅仅是相差无几个，而且收入也是覅多个，一样去剃头发，还要是去剃一个板寸头，既能减少剃头发个趟数，还能为家里省眼铜钿。
吾还想讲个一句话就是，仍然让吾难以去忘掉个一桩事体是啥么事？！迭桩事体就是－－勒吾伲那个年代过唻个男小囡搭女小囡，基本浪向勒头浪都有生过名字叫做“老白虱”迭样么事。嘎么，啥个又会叫做“老白虱”呢？！其实伊是一个沪语方言俚语词眼哦，伊翻译成普通话个意思就是指“虱子”，勒头发里向生有各种虱子。当代个小囡，无论是男小囡，还是女小囡，基本浪向呒没人生过虱子。
吾勒掰搿辰光、勒自家个头发里向，也同样是有生过老白虱迭样么事个，记得吾自家勒生老白虱个辰光，辰光就是勒吾就读小学三年级个辰光，而且辰光还是勒接近夏季快要放暑假个辰光。就勒掰搿辰光，既呒没其他个好办法个，也是呒没药物可以去治疗好伊个，唯一可行个一个办法，迭个就是－－赶紧去剃头店畀头发拨剃干净。
时至今日还是记得邪气清爽，勒掰时是家母倪榴珍陪吾去剃头店剃头发个，是中午去个，吾伲寻觅有好几家剃头店，剃头师傅侪覅愿剃迭能个头发，就因为剃头师傅听到头发里有老白虱。老白虱迭种么事会传染拨其他人个，只要是有顾客听到剃过迭种头发以后，生怕勒剃头工具上也沾染老白虱，无论哪能去清理，也是清理覅干净个，一旦传染拨其他顾客，那是了不得个一桩事体，顾客会寻剃头师傅算账赔铜钿，像迭种得不偿失个事体，自然是覅大愿意、覅肯去做！
到最后一刻，拨吾伲寻觅到一家离吾学堂有半公里之远个一个老式剃头店里向畀头发拨剃短剃干净个，勒掰时里向个一位老师傅则是愿意剃迭种头发个，当伊向吾伲询问，倷是否要汏一下头啊，家母邪气知趣个对剃头师傅唻回答道：“侬能帮忙剃一下头发已算是交关好个一桩事体，至于像‘汏头发’迭桩事体吾看还是就覅要吧，吾伲自家回去汏头发！”……【备注：“汏头发”是一句沪语方言俚语，伊个意思就是勒讲“洗头发”。上海人欢喜把“洗”讲成“汏”。】
只要吾伲侪是属于一个有心之人，还只要是吾伲能用心个去观察生活当中个方方面面，就会发觉迭能个一桩事体，对于“理发店”唻讲伐，身处勒覅同时代个里向，理发店也是属于覅大一样个。
勒吾个印象搭脑海当中，勒那些计划经济个年代里向，勒通常情况下，剃头店里向会勒墙角边放上一条条长凳子，前头个顾客勒剃头发，后头那些还呒没轮到剃头发个顾客，则坐勒长凳子浪等待。迭些人侪勒等待个辰光，剃头师傅还会送上《人民日报》《解放日报》《文汇报》搭《新民晚报》等各种“申报纸”让顾客去随便个翻阅一下。【备注：对于老一辈个上海人唻讲，一直侪会存有迭能个一种习惯，一律欢喜拨各种类型个报纸称之为“申报纸”。】当轮到自家要去剃头发个辰光，会邪气自觉个拨申报纸转让畀后头个顾客们去翻阅一下。
勒掰搿辰光，既覅管何种类型个剃头店；也覅管剃头店是属于大型个；还是属于中小型个剃头店；还专门开辟出一个小角落，勒小角落里会放置一个书报架子，就勒拉交关长个一段辰光里向，书报架子侪是用木头制作而成个，到后唻侪拨置换为不锈钢搭铝合金个。
对于像吾迭能个一个男小囡唻讲伐，如何侪能消磨排队搭等待个辰光呢？！顶顶好个一个办法就是－－观看男人剃头发个程序。
同样是勒掰搿辰光，对于那些成年男子唻讲伐，伊本人勒剃头发个全过程当中，通常侪会拥有如下个三道程序，伊拉分别就是：剃头【发】、汏【头】、刮【胡子】。对于那些成年男子唻讲，尤其是那些年龄达到中年年龄以上个男子唻讲，还只要是去剃一个板寸头，也照样离覅开迭个三道程序，辰光顶顶快，也起码要达到40分钟左右。
依旧是勒吾个印象搭脑海当中，就勒剃头发个三道程序当中，自认为顶顶重要个一道程序又会是啥么事？！勒吾看唻，迭道程序还是要属于－－自然就是刮胡子哦，吾更会认为是可以摆勒头等个位置上头！那些交关熟练个剃头师傅们，就会率先拨大扶手靠背椅斜放【备注：大约呈现个是135度角。】并插上插销固定住，然后再用软毛刷蘸上事先就已经调制好个肥皂泡沫涂满脸颊，接着用一条滚烫个热毛巾敷勒脸上，迭个辰光大约就是三至四分钟，迭能唻操作个一个目的，为个就是让胡子变软，易于刮胡子。勒热敷个同时，剃头师傅拨一把锃亮个剃须刀勒一块牛皮布上唻回嚓、嚓个磨几下，最后侪沙沙个刮起胡须唻。那优美个姿势、熟练个动作，令吾至今侪无法忘记。
当历史个车轮走到今早仔，现在个剃头发，搭老底子做一个对比搭比较个闲话，完完全全就是属于覅一样个，勒老底子个辰光，上海老百姓所讲个“某某剃头店”，一律侪拨升级成为“某某美容美发厅【院】”，原先对于那些剃头人员，一律叫做“剃头师傅”，到今早仔，则一律拨更改为美容美发师或造型师，还推出星级美容美发厅【院】、星级美容美发师或造型师。为啥事体要迭能唻做呢？！勒吾看唻，顶主要个因素还是由其二个。其一就是：迭能一种做法，就可以多收一份剃头铜钿，其二就是：推出星级美容美发师，就可以收取覅同个价钿，星级越是高个剃头师傅，自然要去收取邪气高个剃头费用。
经济条件好个，侪能去挑选星级级别交关高个剃头师傅去剃头，若自家个经济能力是邪气一般，自然就会去挑选等级唻得低个。
对于今早仔个剃头发唻讲，哪怕是男性去剃头店剃头发，对于剃头发个服务理念搭服务手段唻讲，覅再是仅限于老底子老三样“剃”“ 汏”“刮”，剃头发个内容早已经是变得五花八门名目繁多，勒有些辰光，也会让人变得眼花缭乱，覅晓得哪能挑选侪是好。
譬如说：就有造型设计、除皱纹、吸油脂、付里子烫发……真可谓是不胜枚举，还要是去举例说明情况，依旧能寻到邪气多个！
上述种种是覅合适吾个，吾剃头发只要求短发干净就好……
【备注：①：文章为作者原创；②：各种老上海理发店搭理发工具侪是唻源于网络上头；③：万分感谢原创图片。】
杜老倌侠客居（陆伟）写于2009年04月17日礼拜五夜里向
