上一篇吾撰写个是《漫谈沪语方言之－－说说“三字经”（其一）》一文，勒文章当中所讲个就是“唻三”“瘪三”搭“赖三”迭三个沪语方言俚语词眼，总觉着意犹未尽，今早仔吾还要继续再讲下去，再去讲讲沪语方言俚语词眼当中，搭“三”字有关系个俚语词眼。
像沪语方言“昂三”迭个词眼，也好去写作“盎三”搭“肮三”迭两个词眼个，意思也是一色似样个，实际浪向勒沪语方言俚语闲话当中，还有覅少个沪语方言俚语词眼，侪是从英语等各类外语当中音译过唻个，迭个词眼实则就从英语“on sale”迭个词眼音译过唻个，迭个词眼男女侪是可以去讲、去使用个。伊所要表达个意思就是勒讲：勒每日个俗常生活当中，就有某一种类型个人群或个人，勒为人处世之道方面，就是属于“阴险”“狡诈”“刁钻”搭“甴曱”一类个人，而且伊本人勒为人处世方面，也是属于邪气难弄、覅大好弄个一类个人或人群。除忒吾勒上头所讲讲个内容以外，像迭个词眼还有另外个一种讲法个，伊还可以指某种商品个质量是交关推扳搭蹩脚个！
只为能更好个说明迭种情况，就让吾唻列举一个迭个方面个例子。比方讲：就有两个人勒一道谈山海经对话，其中有一个人就开口去采用沪语方言唻讲道：“老底子吾一直认为隔壁头李老头子人是交关好个，伊拉屋里向每趟仔只要是烧好小菜，眼扳数会得去分拨隔壁邻舍尝尝味道个，呒没想到伊迭个人覅要忒昂三哦，标标准准就是一个昂三货，覅是吾勒拉瞎讲八讲点啥个，就勒拉前天仔，吾只畀过拿一样坏忒个家什暂时放勒拉过道里向，而且搭周围个邻舍隔壁侪是去讲好仔，顶顶多也就辰光过忒十分钟以后，马上就要拿出去处理忒个，而且根本就呒没去影响到任何一家人家，拨伊看到仔以后，乃么就变得交关覅开心、覅窝心，马上嘴巴里向就哴里哴声开始骂山门，还去讲一些邪气难听个闲话唻，讲啥么事，既占用过道，又影响到伊老人家走路，伊好去占用过道，从明朝仔吾一样也要去占用过道，大家僎一道唻占领过道好勒，从今往后让大家侪覅要去走路好勒，凡是做迭种缺德事体个人家，侪通通呒没好下场个，侪要绝子绝孙！”……
上头一段个沪语方言闲话，到底是勒讲眼啥么事？！伊个意思就是勒讲：有一位李姓个老邻居，一直以唻拨大家个感觉侪是邪气好，每趟自家屋里向烧一些好个菜肴，伊会分享拨周围个邻居喫个，就是因为有一位邻居，暂时勒过道浪堆放一件杂物，而且还是搭周围个邻居讲好个，顶多也就是过十分钟以后，杂物一定会拨清理忒个，可是邻居老李却覅是迭能唻理解并去认为个，认为占道置放杂物个人就覅是一个好人，开始骂人并讲种种难听个闲话，讲占道人个覅是，既然大家侪是覅愿意遵守公序良俗，以后大家侪可以占道堆放杂物。
像沪语方言“刮三”迭个词眼，也同样是属于音译词眼哩，伊就是从英语“grocery”迭个英语词眼翻译过唻个。还因为原本迭个词眼应该读（写）成为“刮老三”个，上海人则是迭能唻理解、认得并去认为个，要是采用沪语方言读出唻以后，并覅是属于交关流利便当个，干脆就拨中间个“老”字省略掉勒，就读（写）成为“刮三”。
据吾查阅到个历史资料以后，侪晓得迭能个一条历史信息，勒中华民国时期个上海迭座城市唻讲伐，勒做生意个辰光，各式各样个杂货侪是放勒光天化日之下个，所以讲“刮三”伊原本意思就是指唻自迭种没遮没拦个杂货铺中。以至于到后唻，上海人干脆就拨迭种露天摆摊头个语言情景，转换并运用到生活个其他方面去。比方讲：个人个私密或隐私拨曝光以后，或者讲，但凡是有做过一些覅是邪气好个事体，拨其他人发觉以后……侪是会去讲“刮三”迭个词眼个，意思就勒讲对方种种覅好个行为搭行径，就是像露天摆杂货铺一样，从而让大家侪晓得，某个人有做过某些见覅得光、见覅得人个事体。
吾还是迭能唻理解、认得并去认为个，对于某些守覅牢秘密个人，老一辈个上海人侪会幽默个称迭能个一类人为“刮三模子”哦！当迭个词会发展到最后头个辰光，老一辈个上海人还会去认为，只要是迭一些覅哪能好看个各类人事物情，侪是会去叫做“刮三”个。比方讲：某个人就针对某位男性开口用沪语方言闲话去讲道：“伊个迭张面孔看上去哪能始终侪是属于交关刮三个啦？！”实际浪向是等于勒讲迭个男人个面孔就好像一只恐龙哦，暴露勒街面浪是有碍市容个。
像“阿三”也是上海人交关欢喜去讲个一句沪语方言闲话，迭个词眼也同样是从英语当中翻译英译过唻个，迭个词眼就是唻源于中华民国时期，上海滩浪“十里洋场”里向所使用个吴语上海闲话，像迭个词眼是属于一个贬义词眼，勒今早仔，对于邪气年轻一代个上海小囡唻讲伐，恐怕已经是呒没啥个人会去讲讲迭个词眼哦，估计还覅一定会晓得迭个方言俚语词眼哩。实际浪向像迭个词眼是从“I say”搭“阿Sir”音译过唻个，就是有两个原因个。第一个原因就是：只因为迭两个英语个发音，搭上海方言闲话当中个“吾讲”迭个词眼又是交关接近个，所以就拨音译成为“阿三”迭个词眼；第尼个原因就是：勒中华民国时期个上海，曾经有英租界个，迭个英租界就是采用“英式”个管理模式，就勒英国体系个公务人员当中，尤其是对于警察唻讲伐，长久以唻一直侪习惯拨自家个长官称呼为Sir。另外，老一辈个上海人向唻习惯于勒单音节个单字前头，去添加迭个“阿”字。
只拨过，勒掰搿辰光，辰光就是勒中华民国时期个辰光，上海人每趟勒讲“阿三”迭个词眼个辰光，更加欢喜勒“阿三”个前头去添加“红头”迭个词眼，就演变成为“红头阿三”，迭又是为啥事体？！迭个称谓就是指“印度人”，因为勒中华民国时期个上海滩浪，勒英租界当中，经常会有从印度调过唻个“公务员”，伊拉专门去负责一些杂事，迭些印度人侪是英国人个忠实“看门狗”，勿单单是整天警棍乱舞，还要去欺负上海人，上海人对伊拉恨之入骨、恨得透顶，因此就蔑称印度人为“阿三”，之所以还要叫印度人为“红头阿三”，原因大致就有如下个三种讲法。第一种讲法就是勒讲：但凡是印籍巡捕，勒头顶浪必定会缠着一条红巾或红布头，【备注：实际浪向还是有覅同个区分哦，印捕充任交通警、巡逻警，勒头浪是用红巾或红布头缠头个，假使是任看守警则是改为黄巾或黄布头缠头个。】第尼种讲法是勒讲：印度人是亡国奴，勒老上海人个眼睛里向，地位就要远远较低于西捕搭华捕，要是去排一个名次个闲话，只能排勒第三位；第三种讲法是勒讲：勒中华民国时期，当地人称印度警察为“阿三”。还有个就是，“印度阿三”一词就是由“红头阿三”演变过唻个。
像“老牛三”迭个词眼个意思就是讲：对于某一个人唻讲伐，伊拉勒拉为人处世之道方面，就是交关欢喜做“吹牛逼”迭桩事体个，而且还是牛逼连天谎话连篇类型个，吹牛逼辰光吹得邪气长，辰光一长久而久之长此以往下去，自然而然还有一定个经验搭门槛，还要是伊拉常桩性迭能样子唻操作，就会勒“牛三”个前头去添加迭个“老”字。根本覅是迭能样子个各类人事物情，就会拨迭种类型个人群或个人，吹得天花乱坠，明明伊拉根本就呒没去做过个各类人事物情，竟然就会开口讲啥个通通侪是由伊拉本人唻操作个，还会讲勒迭个世界浪向，也从唻呒没伊拉本人做覅来、搞覅定个各类人事物情，只要是伊拉本人亲自出马勒以后，各式各样个事体立刻就能去解决忒。
比方讲：有些人勒谈山海经（聊天），用沪语方言唻讲道：“侬晓得伐，阿四头迭个赤佬模子真个覅是一个好户头哦，伊一边拍着胸脯，一边搭吾讲好仔，还吹起老牛逼，只要吾拨伊个孙囡转到重点中学去读书，伊就请吾上顶好个饭店去喫一顿饭，晓得吾欢喜吃老酒个，讲还要请吾吃两瓶茅台酒唻，乃么今早仔事体么总算是办好，伊就送吾一条软壳中华迭桩事体就算结束，根本就覅提上饭店喫饭搭茅台酒个事体，认得伊算吾路道粗眼睛瞎忒勒！”……意思是讲：曾经答应过个事体，对方呒没去做到，覅仅呒没做到，而且还要去赖结皮。
像“老巨三”也是一句上海方言俚语闲话，伊个意思就是指某个人，勒某一方面拥有独有个本事，或者讲拥有某项顶级个专业技能，绝对可以去秒杀一大帮子人，而且绝大多数个人侪是覅好搭伊搭脉个，搭迭个人覅勒一个档次上头个！上海人勒讲迭句方言俚语闲话个辰光，还会去讲一句与之相关个闲话，尤其是出现某桩事体以后，去教育某一个人个辰光，有些人开口就会用沪语方言讲：“老巨覅脱手，脱手覅老巨，只要是交关容易去脱手个人，伊就覅好算是一个老巨人，因为伊覅属于是一个老巨人，所以就邪气容易拨上当受骗！”……
上段文字是讲：有本事个人，覅会拨上当受骗，没有本事个人，会上当受骗，而且上当受骗个趟数，也是唻得交关多、邪气高。
【备注：①：文章为作者原创；②：第一张图片由作者自己编辑的；③各种上海方言俚语类图片侪是唻源于网络上；④：万分感谢原创图片。】
杜老倌侠客居（陆伟）写于2020年07月30日礼拜四夜里向
