吾是一个土生土长个上海人，“上海地区个各类方言闲话”，覅单单是属于吴语语系里向个，而且伊更是现代吴语地区顶具有影响力个地方语言之一，覅仅仅是因为上海迭座城市个地理位置，还因为就勒上海个方言闲话当中，是拥有伊独有个特点搭历史所形成个。
要是从狭义上头去讲，上海方言闲话仅仅是指“上海市区闲话”，从广义上头去讲上海方言闲话，伊拢共可以拥有八种顶为主要个方言闲话。第一种是：上海市区里面个方言闲话；第尼种是：浦东地区个方言闲话；第三种是：青浦地区个方言闲话；第四种是：松江地区个方言闲话；第五种是：嘉定地区个方言闲话；第六种是：崇明地区个方言闲话；第七种是：金山地区个方言闲话；第八种是：吴江地区个方言闲话。除忒上述八种方言闲话之外，还拥有邪气少量个其他地区个方言闲话哦！比方讲：就会有山东方言闲话搭粤语方言闲话。
就勒上海方言俚语词眼当中，就拥有三个词眼组成个俚语，还拥有三种形式哩，分别就是“ABC”型个、“AAB”型个搭“ABB”型个。比方讲：“ABC”型个俚语就拥有“拎不清”“花样经”“眼扳数”……“AAB”型个俚语就拥有“墨墨黑”“压压较”“乓乓响”……“ABB”型个俚语就拥有“老嘎嘎”“硬棒棒”“定烊烊”……如果还要去举例子个闲话，还可以去寻找到交关多个！
对于今早仔个吾唻讲伐，虽讲自家也是邪气想去讲讲，有关于三个词眼类型个沪语方言俚语，但是并覅是交关想去讲讲上述类型个沪语方言俚语词眼哦，而是吾只想去讲讲搭迭个“三”字有关系个沪语方言俚语词眼，为啥事体要迭能唻操作呢？！就是因为要是吾伲能好好较去寻找个闲话，是拥有邪气多个迭一类词眼，顶顶起码也要拥有十几个哩，吾就要想陆陆续续分几篇去讲搭“三”字有关个俚语词眼，首先就唻讲一讲“唻三”“瘪三”搭“赖三”迭三组俚语词眼。
真个覅晓得是啥个道理哦，就勒上海滩个方言俚语闲话当中，只要是搭“三”字有关系个各种俚语词眼，基本浪向侪是带有贬义含义搭倾向个，只有交关少数个俚语词眼是带有褒义含义搭倾向个！
吾寻唻寻去，发觉只有一个俚语词眼就是带有褒义含义搭倾向个，迭个俚语词眼就是“唻三”，迭个俚语词眼伊个意思就是指“行”“很行”或者讲是“在行个”。比方讲：就有两个人勒一道嘎“嘎讪胡”谈“谈山海经”个辰光，【备注：“嘎讪胡”搭“谈山海经”侪是属于沪语方言俚语词眼，迭两组沪语方言俚语个含义侪是指勒聊天。】其中个一个人就会开口去对另外一个人讲道，而且还是采用沪语方言唻讲个，曰：“侬晓得伐，居住勒拉五号门里向，三层楼亭子间上头个小张，伊个囡鱼小小年纪就是邪气唻三个，每趟仔期末考试结束分数出唻以后，排名眼扳数会得获得年级组第一名哦！”……
上头个一段沪语方言，到底又是勒讲啥么事？！意思是讲居住勒五号门三层楼个小张，尽管讲自家屋里个住房条件并覅是交关好，拨过，囡鱼勒读书方面是邪气好，每趟考试总能拿年级组第一名。
吾觉着光去列举一个例子，还是覅够个，还是讲覅清爽道覅明白个，所以吾还要再去列举一个例子，以便就能更好个说明情况。
还要是讲，就有某一个人，还勒某一个方面个能力就是顶覅好个、交关推扳个人，自家勒综合能力方面，搭其他人拿唻做一个对比搭比较个闲话，总归是属于邪气推扳，自然就会勒“唻三”个前头去添加一个“覅”字，而后就拨演变成为“覅唻三”。还比方讲：嘎讪胡继续下去，另外一个人也开口用沪语方言继续去讲道：“就是迭能样子个呀，同样是居住勒五号门里向，勒拉底层楼东厢房个小李，伊个尼子就推扳得覅是一眼两眼哦，讲啥个伊个尼子搭小张个囡鱼是同一学堂、同一年级、覅同班级个同学，每趟仔等期末考试结束分数出唻以后，眼扳数侪是要去垫一个底，全年级排名个闲话，终归是要排到最后几名个，迭个小赤佬千年难般排名会得是倒数第五名！”……
上段文字当中个沪语方言是勒讲些啥么事？！就是讲同样是居住勒五号门底楼东厢房个小李有一个尼子，伊个尼子搭同一楼层三层楼浪小张个囡鱼，就是属于同一学校、同一年级、覅同班级个同学，小李个尼子勒读书方面是覅唻三个，每趟期末考试成绩出唻以后，总是排名排勒后头个，勒难扳个辰光，期末考试会考到倒数第五名。
就勒覅少个上海方言俚语闲话当中，是由外唻个、从外文当中音译过唻个。还勒其中，“瘪三”迭个词眼就是从英语组合单词“beg say”音译过唻个，“beg”翻译成中文就是指“乞讨”个意思，“say”翻译成中文就是指“讲闲话”，反正像迭两组英语单词侪是属于“动词”，就是覅晓得出于啥个原因，只要到上海迭座城市以后，反而演变成为名词。伊个意思就是勒讲：上海人欢喜称一些呒没啥个正当职业、以乞讨或偷窃为生活唻源个城市里向个无业游民为“瘪三”。“瘪三”迭个词眼，勒通常情况下唻讲，主要针对个对象就是男性。
对于像迭种类型个人群或个人唻讲伐，是邪气有特点搭特色个，迭一类人勒通常情况下唻讲伐，人个精神状态侪是属于精瘦类型个，覅单单是迭能样子唻，整个人看上去活脱似像一只只瘦瘦个瘦猢狲。我还想讲个就是，像迭种类型个人，要是伊个年龄是小个，就叫伊为“小瘪三”，年龄或年纪是交关大个，就会叫伊为“老瘪三”。
光光去讲“瘪三”迭个词眼，还光光勒迭个“瘪三”前头，去添加一个或“小”字或“老”字，则是覅好去算数个，上海人还欢喜勒“瘪三”迭个词眼个后头去添加“模子”迭个词眼，伊就拨演变成为“瘪三模子”，迭能样子唻操作个一个目的，为个就是“加强”并“强调”语气搭含义，从而就可以去证明像迭种类型个人，侪是覅大灵光、覅好个一类个人或人群，每趟仔勒讲迭个词眼个人，就勒伊个眼睛里向，某一类人永生永世是属于讨饭叫花子，则是覅会有其他个。
还有一些人却是迭能唻讲个，讲啥个像“瘪三”迭个俚语词眼是从另外一个英语组合单词“empty cent”翻译过唻个，英语单词“empty”翻译成中文个意思就是指“空空如也”，英语单词“cent”翻译成中文个意思就是指“一分”，合起唻就是指“不名一文”或“一钱不值”。勒上海个方言俚语闲话当中，勒其中有一个词眼就是拨叫作“瘪滴生斯”，像迭个俚语词眼个意思是讲“穷光蛋”！
当国家身处勒计划经济个年代里向，买卖任何一样商品搭么事侪是需要去凭各类票证唻供应，因为还勒掰搿辰光，老百姓手里向个布票还覅够去制作一件衬衫，聪明个上海人就去发明“假领头”。
勒掰搿辰光个里向，凡是第一趟到女朋友个屋里向去拜见各位亲朋好友搭长辈个闲话，吾伲上海人就会叫作“毛脚女婿”哦，伊本人要是穿上一件假领头，也是邪气有得面子、出风头个一桩事体。
吾认为吾勒上段文字当中所讲个，迭个还是属于覅好算眼啥么事。除忒勒伊本人个身浪会去穿上一件假领头以外，毛脚女婿第一趟到女朋友个屋里向去拜见各位亲朋好友搭家中长辈个闲话，为个就是能够拨对方屋里向个任何一个人留下一个邪气美好个印象，眼扳数要去配上“一套洋装搭一条领带”个，上海人所谓个“洋装”指个就是“西装”，即便讲男方自家屋里向个经济条件并覅是交关好，也是呒没啥个西装，也会想方设法个向一些那些邪气要好个、拥有西装搭领带个亲朋好友们去暂时借过唻穿一趟个。还就算是到女朋友个屋里向，既覅管天气炎热个程度到底是哪能个，也覅管勒自家个额骨头哪能去冒汗大汗淋漓，也侪是覅可以拨外套去脱忒个，为啥事体？！一旦去脱忒外套，或者因自家个覅小心，露出里向个“假领头”，上海人通常都会讲迭能个一句沪语闲话：“迭个人赤膊戴领带，真是一个洋装瘪三嘛！”邪气容易拨大家看覅起、议论纷纷、说三道四一番……
【备注：上段沪语闲话，伊所要表达个意思就是勒讲穷鬼。】
吾继续还要去讲清爽个一桩事体，到底又会是啥么事？！迭桩事体就是－－吾勒前头个文字当中，所提及个“洋装瘪三”迭个词眼，伊顶主要个意思就是勒讲，覅管是处勒阿里一种社会阶层里向个人群或个人，去看待某一个人个辰光，是坚决覅可以去看伊个外表哦，更要去拨伊本人个内在、为人处世之道等综合因素放勒一道去看一看个，还要综合性个去考虑、考量哩。虽然讲上海人勒每日个俗常生活当中，有迭能一种类型个人群或个人，自始至终是洋装笔挺个，覅是会去佩戴上一条领带，就是会去佩戴一条领结，而且每日还要调换覅同个或领带或领结唻带个，还要是佩戴一条领带个闲话，就会打出覅同个领带方面个“花样经”，勒洋装个左上口袋里向会放一块折叠好个绢头，迭种类型个人有可能就是伪装出唻个、是一个身无分文个瘪三。
【备注：沪语方言“花样经”就是指：覅同个花招搭样式。】
勒近（当）代中国个覅少文学作品里向，就有去使用过“瘪三”迭个沪语方言词眼个。比方讲：当代大文豪鲁迅先生，勒《且介亭杂文集·说面子》一文中就写过一句有关于“瘪三”方面个闲话哩，曰：“不是有一个笑话么？……有一个专爱夸耀的小瘪三，一天高兴地告诉别人道：‘四大人和我讲过话了。’人问他：‘说什么呢？’答道：‘我站在他门口，四大人出来了，对我说，滚开去！’”还比方讲：作家周而复先生撰写有长篇小说《上海的早晨》，迭部小说也只拨过是伊个四部曲小说之一，就勒《上海的早晨》第一部第十二个回合当中，伊专门去描述过“啥个叫做瘪三”，曰：“ 上海解放以后，朱延年穷得像个小瘪三，到处伸手借点钱吃喝，生活一天比一天艰难。”
像沪语方言“赖三”迭个词眼，又可以书写为“垃三”，伊顶早就是从20世纪六七十年代左右个辰光，侪开始流行起唻，而且迭个词眼是专门针对女性唻讲并去使用个，顶主要个是指：某些女生（性）勒生活作风方面覅够检点、覅是一个正派人。既欢喜去搞一些覅大正当个男女关系，还欢喜搭覅同个男人之间“轧姘头”，迭个词眼也是对女生（性）一种侮辱性蔑称。【备注：沪语方言“轧姘头”，既是指勒婚姻之外乱搞覅正当个男女关系，也同样可以指男性包二奶。】
让吾再唻列举一个例子，以便就能更好个说明迭种情况。要是讲，就有某一户人家，囡鱼搭伊个老娘侪是欢喜迭能唻做个，也侪是属于迭种类型个人，嘎么，也是覅需要多去讲一眼啥么事，囡鱼因为年纪小个缘故，自然而然个就会拨其他人叫做“小赖三”个，老娘年纪交关大，从而就会叫做“老赖三”哦！反正讲起唻，像迭种类型个人家，通通侪可以是算“赖三”。只拨过，当历史个辰光走到20世纪90年代以后，迭个词眼就覅大去讲勒，几乎可以讲是变得销声匿迹。
还有个就是，像“赖三”迭个词眼除忒指一些行为搭作风覅良个少女或女性以外，对于一些女性个流氓行为也叫作赖三。像迭能个人生性就是属于放荡、活泼、开放个，样样坏事体侪会去做个，而且还常常搭那些流氓、小混混，混勒一道个。迭个还覅算啥个，上海人对于某些专门从事皮肉生意个各类女生（性）也同样会去叫赖三。
书面语言搭口头言语，也是勒覅断个变化搭发展个，有些书面语言搭口头言语，覅是拨消亡忒，就是依旧还保持着，还有人会去看去写去读去研究。自从没人去讲“赖三”迭个词眼以后，凡是对于专门从事皮肉生意个各类女生（性），上海人分别用“跳弹”搭“煤饼”唻取而代之，“跳弹”个意思就是勒讲“女生（性）”胸前个两只蛋，“煤饼”个意思就是勒讲“比喻洞交关多”，然而勒上海方言俚语闲话当中，还有一个词眼叫做“敲煤饼”，迭个词眼并覅是讲“去敲诈勒索女生（性）、去敲竹杠”，而是勒“嫖妓”个辰光专用个一种切口，上海人对于某些人事物情，并覅是直接唻表示，往往会是采用各式各样个切口唻表示，只有深谙此道个人群搭个人侪会晓得明白个。
上述个两种讲法，还算是邪气文雅个。只是针对某些专门从事“卖淫”为生活过女生（性）个一种隐晦讲法。有一些人讲起闲话唻就属于直唻直去覅管覅顾个，对于某些专门从事“卖淫”为生活个女生（性），上海人会直截了当个讲就是一个卖肉个。吾曾经听到过两个老上海人勒嘎讪胡（聊天）个辰光，其中一个中老年女性讲：“侬晓得伐，街面楼浪向个女人绝对覅是好么事，伊对人家讲自家是有生活做个，是去买卖各类老酒、推销老酒个，啥人家做老酒生活需要天天夜出早归啊？！实际浪向据吾晓得伊就是一个卖肉个，早浪向回到屋里向去睏觉，到夜快头么再去上班，如果是正经人家，哪能会得让自家囡鱼去做迭种生活啊？！吾妈妈呸！就是勒拉骗骗野人头，覅晓得事体与内幕个人，绝对要上伊老当拨伊蒙骗勒肚皮里向个！近抢把更加是覅大对头咯，三日两头还要带覅同个男人回到屋里向！”……
当各式各样个方言口语一类个文字，发展到后末唻个辰光，就连像“赖三”“跳弹”搭“煤饼”迭三组俚语词眼，也几乎覅大有人会去讲个，顶多也只拨过有一些年纪交关大个，像祖辈年纪个人，勒千年难扳个辰光，还有可能会去蹦出迭三组俚语词眼。口语一类文字变得越唻越粗俗搭庸俗化，要多粗俗庸俗就有多粗俗庸俗，哪能粗俗庸俗就哪能唻，会有许多人干脆开口闭口就去讲迭个“鸡”字……
【备注：①：文章为作者原创；②：各种上海滩风景类图片搭各类上海方言闲话文字图片侪是唻源于网络上头；③：万分感谢原创图片。】
杜老倌侠客居（陆伟）写于2020年07月16日礼拜四夜里向
