[1992年版锡伯语小学语文课本第二册第18课]
nimanggi ilha deyembi
nimanggi nimanggi šanyan nimanggi, si ainu fer fer seme deyembi, si aibici deyenjihe ni? minde alaci ombio?
nimanggi minde alame burakū, ajige hailan de alame buhe, ajige bira de alame buhe, ajige doohan de alame buhe.
bi gala be sarafi, emu farsi nimanggi ilha be untuhun deri alime gaiha. oi? tere ainu gaitai songgome bihe ni? gisurerakū oci uthai gisurerakū oho, si ume songgoro, bi umai simbe jortai manggataburengge waka.
suhen
jortai: sambime sarkū arara be jortai sembi (gūnin bime).
urebusu
1.nirugan be narhūšame tuwame kicen be hūlafi, kicen i gūnin be gisureki.
2.kicen i dolo ainu nimanggi be songgoho seme gisurehebi.
3.fejile bihe hergen be baitalame gisun banjibume gisureki. (deyembi, deyenjimbi, farsi, gaitai, jortai, manggatambi.)
